Удмуртиядә мәктәп территориясендә беседка ишелгәч, 1нче сыйныфта укучы 6 бала имгәнгән. Бу турыда Тикшерү комитетына сылтама белән «Вести» каналы хәбәр итте.
Балаларга 7-8 яшь – 5 малай һәм 1 кыз. Урынга тикшерүчеләр һәм криминалистлар барган.
Тикшерү комитеты белешмәсе буенча, фаҗига Завьялов районындагы Лудорвай авылында була. Беседканың агач түбәсе конструкциясе ишелгән.
Удмуртия вице-премьеры Эльвира Пинчук «Телеграм» каналында хәбәр иткәнчә, балалар барысы да 1нче сыйныфлар. 5 малайны Ижевскига медицина тикшерүенә җибәргәннәр. Аларның икесен хастаханәгә салганнар. Табиблар, аларның хәле канәгатьләнерлек, дип бәяли.
Кыз балага урында медицина ярдәме күрсәтелгән.
