Удмуртиядә түбәсе ишелгән бинада ике бала һәлак булган
Сарапул шәһәрендә 13 һәм 14 яшьлек ике малайны бина харәбәләре арасыннан тапканнар.
12 сентябрьдә Удмуртиянең Сарапул шәһәрендә Амурская урамында барак тибындагы бинаның түбәсе ишелә. Хәрабәләр арасында 13 һәм 14 яшьлек малайларны табалар. Бу турыда «Вести» каналы хәбәр итте.
Удмуртия буенча Гадәттән тыш хәлләр министрлыгы фаҗига урынында эшләр төшерелгән видеоны күрсәтте.
Үсмер балалар алган травмаларыннан үлгән. Россия Тикшерү комитетының Удмуртия буенча Тикшерү идарәсе мәгълүматы буенча, биредә тагын бер малай була, ул имгәнмәгән. Әлеге хәлдән соң җинаять эше ачылган.
«Якынча версия буенча, көндез өч үсмер ташландык йорт эчендә була. Шул чакта йортның катлары арасында корылма җимерелә. Ике үсмер хәрабәләр астында кала. Эзләү чаралары вакытында мәрхүмнәрнең мәете табылды. Алар Сарапулда яшәүче 13 һәм 14 яшьлек ике малай, өченче малай зыян күрмәгән», диелә бу хәбәрдә.