«Тыныч йокы, нәниләр» тапшыруының 77 яшьлек дикторы кияүгә чыга
«Тыныч йокы, нәниләр» һәм «Песня года» тапшыруларын алып баручысы үзеннән 25 яшькә яшьрәк егет сайлаган.
77 яшьлек Ангелина Вовк кияүгә чыга. Ул Россиядә танылган телевидение алып баручысы. «Спокойной ночи, малыши» һәм «Песня года» тапшырулары аша яхшы таныш. Кияү егете Михаил Куницын кәләштән 25 яшькә яшьрәк. Бу турыда «КП» сайты хәбәр итте.
Туй 2020 елга планлаштырыла. «КП» хәбәрчесе Ангелина Вовк белән аралашкан.
Ангелина Михайловна, чыннан да кияүгә чыгасызмы?
Миша миңа тәкъдим ясады, чыннан да.
Туй кайчан була?
Белмим, әлегә уйлашабыз.
Михаил Куницын радиотапшырулар, программалар алып бара, балалар өчен җыр бәйгесе оештыра.
Ангелина Вовк — Россиянең халык артисты. Ике тапкыр кияүдә булган. Беренче ире диктор һәм актер Геннадий Чертов, икенче ире — рәссам һәм архитектор Индржих Гец.