Җырчы Чәчкә үзенең сәхифәсенә җылылык бөркелеп торган матур видео урнаштырды. Чәчкә баянда уйный һәм әнисе белән бергәләп Айдар Галимов репертуарыннан «Кызыл розалар» җырын җырлый.
«Бүгенге көнне ямьләү өчен әни белән миннән бер җыр», – дип яза ул видео янына.
Чәчкәнең әлеге видеосы сәхифәсен карап баручыларның да күңеленә хуш килгән. «Ай матур уйныйсыз, ай матур җырлыйсыз», «Нинди телдә җырлаганыгызны аңламыйм, әмма бик матур. Булдырасыз, кызлар», «Искиткеч, шаккатып карадым. Шулай матур итеп озак яшәгез, сез – талант», «Шундый матур әниегезнең тавышы. Тыңлап туеп булмый», «Бу дуэттан күңелгә шундый рәхәт була. Һәр нотасыннан мәхәббәт сизелә», – дип язалар әни белән кызга.