Туйда кыз урлау аркасында, низаг килеп чыккан
Кияүнең туганы кәләш урлаучыны якасыннан сөйрәп, машинадан чыгарган.
Сызрань шәһәрендә бер туйда кыз урлау зур җәнҗал белән тәмамланган. Бу турыда КТВ-Луч каналы хәбәр итте.
Туй мәҗлесе вакытында кунакларның берсе кәләшне урамга алып чыга һәм машинага утыртып китә башлый. Бу хәлне кияүнең 43 яшьлек туган абыйсы күреп ала һәм машинага ташлана.
«Абый ОМОНда эшләгән кеше булып чыкты. Ул кәләшне урлауны сизеп ала һәм юлга аркылы чыгып баса. Машина тормозлый башлагач, абый кеше машина йөртүчене якасыннан сөйрәп чыгара, капотка яткыра. Нәкъ хокук саклау хезмәктәрләре кебек эшләп, ул кәләш урлаучыны туктата, баш миен чыгару белән яный», — дип сөйли туйда видео төшереп йөргән Олег.
Кәләшне урларга маташкан кунак кеше бик куркып кала, ул ярдәм сорап ялвара, шаяртканын әйтә. Кәләшне кияүгә акчага сатып бирә торган гореф-гадәт булуын аңлатмакчы була.
«Сез шаярттыгыз, менә без дә көлдек», — дип сөйләгән кәләшне «коткарган» абый.