Туй вакытында унөч хатын-кыз коега егылып төшеп үлгән
Алар барысы бергә кое капкачына менеп баскан булган.
Һиндстанның төньягында туй тантанасы фаҗига белән тәмамланган. Биредә кимендә унөч хатын һәм кызлар тирән коега егылып төшкән һәм һәлак булган. Бу турыда The Indian Express басмасына сылтама белән «Вести» каналы хәбәр итте.
Фаҗига 16 февральдә кич белән Уттар-Прадеш штатында була. Халди дип аталган туй тантанасы өчен хатын-кызлар кое-янына җыела. Аларның күбесе коеның агач капкачы өстенә менеп баса. Шул чакта кое-капкачы ватыла һәм кешеләр коега егылып төшеп китә.
Табиблар килгән чакта 11 кеше үлгән була инде, тагын ике хатын-кыз операция өстәлендә вафат була. Имгәнгән өч хаты әле дә хастаханәдә ята, аларның хәле катлаулы дип бәяләнә.
Һиндстан премьер-министры Нарендра Моди әлеге фаҗигане «җанөшеткеч» дип атаган.