Туй машинасы авариягә очраган - кыз һәлак
"Лада Приора" каршы як полосага чыгып, "Мерседес" йөк автомобиле белән бәрелешкән.
Авария узган шимбәдә, 18 августта 11 сәгать 30 минутта Вурнар районының Мачамуши авылы янында булган. Бу турыда Чувашстан буенча Эчке эшләр министрлыгы матбугат хезмәте хәбәр итте.
Чабаксар ягына таба баручы туй кортежында хәрәкәт итүче "Лада Приора" автомобиле алда барган машинаны узарга каршы як полосага чыккан. Әмма маневрын төгәлләп өлгерә алмыйча, каршыга килүче "Мерседес" йөк автомобиле белән бәрелешкән.
"Лада Приора" йөртүче яшь егет имгәнеп, аны хастаханәгә озатканнар. Аның янында утырган кыз һәлакәт урынында җан биргән, диелгән әлеге хәбәрдә.
Чабаксар ягына таба баручы туй кортежында хәрәкәт итүче "Лада Приора" автомобиле алда барган машинаны узарга каршы як полосага чыккан. Әмма маневрын төгәлләп өлгерә алмыйча, каршыга килүче "Мерседес" йөк автомобиле белән бәрелешкән.
"Лада Приора" йөртүче яшь егет имгәнеп, аны хастаханәгә озатканнар. Аның янында утырган кыз һәлакәт урынында җан биргән, диелгән әлеге хәбәрдә.