Туй фотолары төшергәндә кәләш, фотограф һәм визажист һәлак булган
Яшьләр диңгездәге рифлар янында фотога төшкәндә, фаҗига килеп чыга.
Кытайның көнчыгышындагы Вэньчжоу шәһәрендә туй вакытында берничә кеше берьюлы һәлак булган. Туй фотолары төшергәндә килеп чыккан фаҗига турында РИА Новости хәбәр итте.
2 сентябрьдә туй вакытында кияү белән кәләш диңгездәге рифларга басып фотога төшмәкче була. Шул чакта аларны дулкыннар диңгезгә алып кереп китә. Алар белән бергә фотограф һәм визажист та суга бата.
Кәләш белән визажистның мәетен тапканнар, фотограф хәбәрсез югалган булып исәпләнә. Кияүнең язмышы турында хәбәр ителми.