«Туган тел» каналының Казандагы филиалы директоры Миләүшә Сибгатуллинадан «Тутырылган кабак» рецептын тәкъдим итәбез.
Уртача зурлыктагы кабакны капкачлы итеп кисәргә, эчен алырга кирәк. Грушаны шакмаклап турарга, җимешләр (йөзем, караҗимеш, күрәгә һ.б.), чикләвекләр (кешью, әстерхан, фундук, миндаль), бал һәм эретелгән акмай салып томалап пешерергә, бүрттерелгән дөге салырга.
Аннары шушы массаны кабак эченә тутырырга һәм өстенә бераз атланмай салырга. Кабакның капкачын ябарга, фольгага төрергә.
180 градуска кадәр кызган духовкада 1,5 сәгать пешерергә.