Тутырылган чуртан балыгы (рецепт)
Тәския Вәгыйзовадан тутырылган чуртан рецептын тәкъдим итәбез.
Чуртан (щука) балыгын чистартырга, юарга, баш ягыннан кимерчәген өзеп, тиресенә зыян китермичә, әкрен генә пычак белән койрыкка таба тартып туныйбыз, итләрен кисеп алырга кирәк. Шул балык итен иттарткычтан чыгарырга, берәр уч дөге, суган, әзрәк майлырак ит тә өстәргә, борыч, тоз салырга һәм таякчыклар белән балык тиресен җыеп эләктереп куярга.
Аннары табага азык-төлек кәгазе җәеп, балыкны формага китереп, мичкә куярга. Табынга теләгәнчә бизәп бирергә.
