Дагыстандагы Сулак каньонында туристлар утырган экскурсия көймәсе әйләнеп капланган. 1 кеше һәлак булган, 4 кеше төрле җәрәхәтләр алган. Бу хакта «SHOT» телеграм-каналы хәбәр итә.
Телеграм-канал мәгълүматлары буенча, фаҗига 28 апрель көнне көндез чираттагы туристлык сәфәре вакытында булган.
Борылышларның берсендә йөртүче идарәне югалткан, һәм көймә әйләнеп капланган. Нәтиҗәдә, пассажирлар суга егылып төшкән. 1 кеше һәлак булган, диелә хәбәрдә.
