Турист кызның эчке киеменә кереп утырган кәлтә елан меңнәрчә километр юл узган
Кыз геккон кәлтә еланын күргәч, кычкырып җибәргән.
![Турист кызның эчке киеменә кереп утырган кәлтә елан меңнәрчә километр юл узган](https://intertat.tatar/resize/shd/images/uploads/news/2021/9/12/d95d4e00f29ff4137c558b6406cf8bb92a96f57285810cae0a116831b31d.jpg)
Британиядә яшәүче кыз Кариб утрауларына ял итәргә барган. Әйләнеп кайткач ул киемнәре арасында геккон — кәлтә еланы тапкан. Рептилия кызга ияреп 6,5 мең км юл узган. Бу турыда РЕН ТВ хәбәр итте.
Кыз ялдан кайткач, фотоларын социаль челтәргә куярга ашыга. Шул чакта чемоданын актарганда ул кәлтә елан табып ала. Рептилия эчке киемнәр янына кереп яшеренгән. Кәлтә Барбадостан Йоркшир шәһәренә кадәр исән килеш кайтып җиткән.
Кыз бюстгалтерында сәер әйбер күрә, аны алып селки һәм кәлтә икәнен аңлап ала.
«Ул селкенгәч, мин кычкыра башладым. Дүрт мең миль очып кайтканнан соң эчке киемдә кемнең шуны күрәсе килсен», — ди ул.
Геккон кәлтәсенә Барби дип исем кушканнар. Аны хайваннар белән вәхши гамәлләр булдырмау җәмгыятенә тапшырганнар, диелә хәбәрдә.