Грециянең Родос утравында турист егетне яшен сугып үтергән. Бу турыда РИА Новости хәбәр итте.
Британиядән килгән 26 яшьлек ир-ат яшенле яңгыр вакытында диңгезгә су коенырга барган. Агия Агата районында бу вакытта ял итүчеләргә судан чыгарга киңәш иткән булганнар.
Яшен сукканнан соң, башка ял итүчеләр егетне ярга алып чыккан. Коткаручылар һәм табиблар тырышлыгына карамастан, туристны коткара алмаганнар.
Тикшерү эшләре бара, диелә хәбәрдә.
