Тур датасын өстәмә түләүләрсез генә күчереп буламы?
Сорауга ТР туристлык агентлыклары ассоциациясе президенты Рамил Мифтахов җавап бирә
– Әлеге ситуация гадәти түгел. Әйтик, йөклелеккә бәйле проблемалар. Сез июньдә юллама алып, 1-1,5 ай кала йөкле булуыгызны белдегез һәм ялга бара алмыйсыз, ди. Йөкле хатыннарга беренче триместрда ялга барырга ярамый. Ялга китү датасына вакыт озаграк булган саен, турны кичерү җиңелрәк. Дөрес, өстәмә түләүләрсез генә булмый. Чөнки майда юллама – 100, августта – 150 мең тора. Шуңа күрә аерманы түләргә кирәк булачак. Әгәр инде августта бармыйча, сентябрьгә калдырасыз икән, бу очракта, өстәмә түләү булмаска да мөмкин.Хөрмәтле укучыларыбыз! Әгәр сезнең белгечләргә, артистларга, журналистларга сорауларыгыз булса, безнең Ватсапка языгыз: +79270379110 Без тиз арада сезнең сорауга җавап табарга тырышырбыз. Теләсә кайсы темага сораулар кабул итәбез.
