Тулада биш машина бәрелешкән, ике хатын һәлак (видео)
Тулада М2 трассасында биш машина бәрелешкән, ике хатын һәлак булган. Бу турыда РИА Новости хәбәр итте.
"Нива" "Опель"гә яннан бәрелгән. Германиядә эшләнгән җиңел машина "Газель"гә килеп кергән. Шуннан соң "Вольво" йөк машинасына һәм "Ниссан" җиңел машинасына бәрелгән.
"Татар-информ" хәбәр иткәнчә, һәлакәт нәтиҗәсендә ике хатын үлгән. Тагын бер хатын һәм бер ир-ат төрлечә имгәнгәннәр.
Машиналар юлның төрле якларына чәчелеп таралган.