Тукай районында һәлакәт: 77 яшьлек ханым үлгән, ике кеше табиблар кулында
Тукай районында коточкыч юл-транспорт һәлакәте булган. Авария Боровецк урманында “Весна-2” бакчачылык җәмгыяте ягына таба юлда килеп чыга. Ике машина бәрелешү нәтиҗәсендә, бер кеше һәлак була, тагын ике кеше госпитализацияләнә. Бу хакта “Татар-информ” мәгълүмат агентлыгына Россия Гадәттән тыш хәлләр министрлыгының Татарстан Республикасы буенча Дәүләт идарәсе матбугат хезмәтендә хәбәр иттеләр.
Һәлакәт нәтиҗәсендә, 39 яшьлек ир-атның сул беләге сына. 26 яшьлек кыз баш мие җәрәхәте ала. Зыян күрүчеләр икесе дә хастаханәгә озатыла. 77 яшьлек хатын-кызның гомере өзелгән. Махсус гидравлик корал ярдәмендә, янгын сүндерүчеләр җимерек машинадан мәрхүмәнең гәүдәсен чыгарып, транспорт чаралары аккумуляторларын сүндерә.
