Тукай районында 72 яшьлек бабай хатынын чүкеч белән кыйнап үтергән
Аерылышкан хатынын үтергән 72 яшьлек Габдулла Сәләховны 7,5 елга төрмәгә озаталар.
Татарстанның Тукай районындагы Круглое поле авылында фаҗига була. 72 яшьлек Габдулла Сәләхов 71 яшьлек элеккеге хатынын үтерә. Бу турыда Татарстан буенча Тикшерү комитеты матбугат хезмәте хәбәр итте.
Аерылышканнан соң, элеккеге ир белән хатын мал бүлешә. Хатынга «Газель» машинасы кала. Ул машинаны сата. Тик «Газель» ватыла. Шуннан соң хатын Сәләховны гаепли, машинаны ул ваткан дип шикләнә.
17 июльдә машина аркасында чыккан талаш фаҗига белән тәмамлана. Бер мизгелдә пенсионер хатын Сәләховка чүкеч белән кизәнә, үтерү белән куркыта. Ләкин Сәләхов чүкечне тартып ала һәм кыйный башлый. Ул элеккеге хатынының башына кимендә 19 тапкыр,
Хатынны үтергәннән соң, пенсионер карт туганнарына шалтырата һәм полиция чакыруны сорый.
72 яшьлек Габдулла Сәләховны моңа кадәр дә хатынына карата көч куллануда, үтерергә маташуда гаепләп җинаять җаваплылыгына тарткан булганнар. Хатынын үтергәч, кабат җинаять эше ачылган. Суд бу ирне 7,5 елга ирегеннән мәхрүм иткән.
