![Тукай районы Сабан туенда егет чүлмәк ватарга чыккан сөйгәненә тәкъдим ясаган](https://intertat.tatar/resize/shd/images/uploads/news/2023/6/10/e3edc7d098a86355292ea9e41fe2b467.jpg)
Татарстанның Тукай районы Түбән Суыксу авылында Сабан туенда егет сөйгәненә үзенчәлекле итеп кияүгә чыгарга тәкъдим ясаган. Бу хакта социаль челтәрдә «Чаллы-онлайн» төркемендә хәбәр ителә.
5 минуттан кәләш буласы кыз чүлмәк ватарга чыккан. Алып баручы «чүлмәк»не күчерә-күчерә алга атларга тәкъдим итә һәм күзен бәйләгән яулыкны салырга куша.
Яшьләрне төрле яклап телефонга төшерәләр. Видеода күренгәнчә, кыз яулыгын төшерде, каршында бер кочак гөлчәчәк тоткан егете тезләнеп тора.
Ул «әйе» дип җавап бирде, диде алып баручы.