Туйдан соң фаҗига: Трактор арбасына бәрелгән фургонда 6 кеше үлгән, 17 кеше имгәнгән

Пакыстанның Пенджаб штатында туйдан соң кимендә 6 кеше үлгән, тагын 17 кеше имгәнгән. Бу турыда «Вести» каналы хәбәр итте.

Туй кунаклары утырган фургон Дуньяпур тирәсендә авариягә очрый. Кунаклар туй тантанасыннан соң өйләренә таба кайтып бара торган була. Фургон йөртүчесе юл кырыенда туктап торучы тракторны күрми, фургон трактор арбасына бәрелә.

Авариядә 6 кеше – 1 бала, 3 хатын-кыз, 2 ир-ат үлә. 4 ир-ат, 10 хатын-кыз, 3 балага табиблар ярдәм кирәк була.

Фургон салонындагы бөтен кеше дә туй мәҗлесендә катнашкан, диелә хәбәрдә.