Приморье краенда 9 яшьлек бала бүрәнә астында калып үлгән. Бу турыда прокуратурага сылтама белән «Вести» каналы хәбәр итте.
Ведомство белешмәсе буенча, 2 майда Спасск-Дальний шәһәрендә 2 малай агач эшкәртә торган предприятие территориясенә керә. Уйнаган чакта, аларның берсе өстенә бүрәнә төшә. Имгәнгән бала шунда ук үлә.
Җинаять эше ачылган.
Прокуратура агач эшкәртә торган предприятие эшчәнлегенең законлылыгын тикшерәчәк, хуҗаларның объект территориясенә чит кешеләрне кертүне чикләүне оештыруын бәяләячәк, диелә хәбәрдә.