Тугыз яшьлек баланың күзенә үз анасы пычак кадаган
Әлеге гаилә яхшылар рәтендә саналган.
Сызрань шәһәрендә бер хатын тугыз яшьлек баласының күзенә пычак кадаган. Бу турыда үз чыганагына сылтама белән «Комсомольская правда» хәбәр итте.
Аның сүзләренчә, вакыйга 4 августта була. Ишетми-сөйләшми торган 9 яшьлек малай авыр травма ала. Аның күз имгәнә. Баланы үзләренең ишегалдында үз анасы имгәтә. Хатын-кыз үзе сөйләгәнчә, барысы да пычак белән саксыз эш итү аркасында килеп чыккан.
Фаҗига сәбәпләре ачыклана. Пычакны тикшерүчеләр алган. Баланы табиблар дәвалый.
Әлеге гаилә яхшылар рәтендә санала. Әтиләрен исерек килеш машина йөрткән өчен таныклыгын алган булганнар, ләкин ул кабат рульгә утырырга маташкан. шуның өчен бу ир-атны хөкем иткәннәр.
Малайның бер күзе сукыраюы ихтимал, диелә бу хәбәрдә.