Тула өлкәсендә яшәүче Татьяна Шуленинага «Намус һәм батырлык» медале бирәләр. Төбәк башлыгы Алексей Дюмин шундый боерык чыгарган. Бу турыда «Вести» каналы хәбәр итте.
Татьяна Анападан кайтып килүче балаларны коткарган. Махсус операциядә катнашучыларның балалары шифаханәдә ял итеп кайтып килә. Шул чакта машина йөртүче аңын югалта.
Балалар төркеме белән булган укытучы Татьяна Шуленина югалып калмый – ул машина белән идарәне үзенә ала һәм балаларны трассадан читкә алып чыгып туктый, аннары «ашыгыч ярдәм» чакыра.
Бәхеткә, беркем дә имгәнми.
Төбәк бүләген Татьяна Шуленинага Тула өлкәсе һәм герой-шәһәр Тула көнендә бирәләр, диелә хәбәрдә.
