Башкортстан башлыгы Радий Хәбиров Түбән Камадагы фаҗигагә бәйле рәвештә кайгы уртаклашты. Бу хакта «Татар-информ» яза.
«Киев режимы рәхимсез җинаятьләрен туктамый. Бүген тугандаш Татарстандагы Түбән Кама шәһәре массакүләм һөҗүмгә дучар булды. Кызганыч, корбаннар бар. Бөтен республика исеменнән һәлак булучыларның туганнарының һәм якыннарының кайгысын уртаклашам. Зыян күрүчеләргә көч һәм тизрәк савыгуларын телим», – дип язган Радий Хәбиров социаль челтәрләрдә.
Башкортстан кирәкле ярдәм күрсәтергә әзер, дип өстәгән Хәбиров.