Түбән Камада БПЛА һөҗүме аркасында торак йорт зыян күргән. Бу хакта Татарстан Рәисе матбугат хезмәте җитәкчесе Лилия Галимова хәбәр итте, дип яза «Татар-информ».
Күпфатирлы йортта яшәүчеләрнең барысын да оператив рәвештә эвакуацияләгәннәр. Вакытлыча урнаштыру өчен ике пункт оештырылган. Һәлак булучылар юк, әмма зыян күрүчеләр бар. Аларга барлык кирәкле ярдәмне күрсәтәләр.
Һава һөҗүменә каршы саклану көчләренең һәм мобиль төркемнәрнең җайга салынган эше нәтиҗәсендә масштаблы зыяннан котылу мөмкин булды, диелә хәбәрдә.