Түбән Камада сукбай этләр приютын су басу сәбәпле, маэмайлар үзләренең оялары түбәсенә менеп баскан. Бу - салкын судан котылуның бердәнбер юлы.
150 эт яши торган «Добрые руки» приютында күл барлыкка килгән. Аларның яртысын вольерларга ташырга туры килгән, ә калганнары урамда торган.
Волонтерлар социаль челтәрләрдә ярдәм сорап мөрәҗәгать иткән.
«Добрые руки» приюты җитәкчесе Оксана Калашникова сүзләренчә, бер волонтер трактор китерткән. «Әлбәттә, без бу хезмәт өчен акча түләргә тиеш булачакбыз. Хәзер су агып китсен өчен канау казытабыз», – диде ул.
«Әлеге проблема турында шәһәр администрациясендә белеп алганнар һәм ярдәм тәкъдим иткәннәр. Приютка суны суырту өчен насос китереләчәк», дип хәбәр итә «Татарстан24» телеканалы журналисты.