Түбән Каманың Бызов урамындагы 5 катлы йортта янгын чыккан. Янгын чүп-чар белән тулган икенче каттагы фатирда чыккан.
«Татар-информ»га Россия Гадәттән тыш хәлләр министрлыгының ТР буенча Баш идарәсендә хәбәр итүләренчә, янгын сүндерүчеләр янгын сүндерү вакытында 69 яшьлек ир-атның мәетен тапкан.
18 квадрат мәйданга таралган янгынны 9 белгеч һәм 3 берәмлек янгын сүндерү техникасы сүндергән.
Берничә ел элек тә бу фатирда янгын чыккан булган инде. Дәүләт янгын күзәтчелеге тикшерүчеләре, фаҗиганең сәбәбе тәмәке тартканда ут белән саксыз эш итү, дип фаразлый.
