Түбән Камага БПЛА һөҗүменнән соң һәлак булучылар арасында чит ил гражданнары да бар. Бу хакта Татарстан Рәисе матбугат хезмәте җитәкчесе Лилия Галимовага сылтама белән «Татар-информ» яза.
«Соңгы мәгълүматларга караганда, һәлак булучылар арасында Үзбәкстан һәм Таҗикстан гражданнары бар», – дип сөйләгән Лилия Галимова.
Соңгы мәгълүматларга караганда, беспилотниклар һөҗүменнән соң 75 кеше медицина ярдәме сорап мөрәҗәгать иткән. Тагын 13 кеше, шул исәптән бер бала, һәлак булды. Теракт турында җинаять эше ачылды. Татарстанда матәм игълан ителде.