видеодан скриншот
Түбән Каманың Шинниклар урамындагы йорт янында парковкада торган машинага ут төртеп киткәннәр. Бу турыда НТР 24 каналы хәбәр итте.
Бу вакыйганы видеокүзәтү камерасы төшереп торган. Кадрлардан күренгәнчә, ут төртү 12 мартта төнге икеләр тирәсендә була.
Машина янына билгесез кеше килә, нидер эшли һәм чабып качып китә. Бераздан машинага ут каба.
Ут төртүчене полиция эзли, диелә хәбәрдә.
