Кичә Татарстанның Түбән Кама районында коточкыч юл-транспорт һәлакәте нәтиҗәсендә ике кешенең гомере өзелгән. Бу хакта Татарстан Дәүләт автоинспекциясе хәбәр итте.
Билгеле булганча, руль артында булган 49 яшьлек ир-ат «Лада» автомобилендә каршы як полосага чыккан һәм BMW машинасына бәрелгән.
Бәрелү шулкадәр көчле булган: «Лада»ның йөртүчесе һәм машинадагы 5 яшьлек бала алган җәрәхәтләреннән шунда ук җан биргән.
Фаҗиганең шартлары һәм сәбәпләре ачыклана.
Фото: Татарстан Дәүләт автоинспекциясе