Түбән Кама мэры Радмир Беляев һәм Алабуга районы башлыгы Рөстәм Нуриев бүген иртән районнар өстендә пилотсыз очкычлар юк ителүе турында хәбәр итте. Бу хакта җитәкчеләр телеграм-каналларында белдерде.
«Бүген иртән Түбән Кама өстендә ПВО системасы пилотсыз очкычны юк итте. Барлык хезмәтләр дә оператив эшләде. Куркынычсызлык системасы эшләде. Зыян күрүчеләр һәм җимерелүләр юк. Предприятиеләрнең технологик процессы бозылмады», – диде Беляев.
Шәһәр башлыгы Түбән Кама халкын тынычлык сакларга, паникага бирешмәскә һәм рәсми чыганаклар мәгълүматына ышанырга сорады.
«Алабуга халкы өчен куркыныч юк. Бары тик ышанычлы мәгълүмат чыганакларына ышануыгыз сорала», – дип язды Рөстәм Нуриев.