Циркта канатта йөрүче ир-ат биеклектән егылып төшкән мизгел видеога эләккән
Эквилибрист бик җитди имгәнгән, ике аягы да сынган.
Төмән циркында канатта чыгыш ясаучы эквилибрист белән бәхетсезлек очрагы килеп чыккан. Бу турыда РЕН ТВ хәбәр итте.
Канатта йөрүче ир-ат биеклектән егылып төшкән. Ул тигезлеген саклап кала алмаган һәм аска ауган.
Ир-ат белән чыгыш ясаучы кызның страховкасы булган, ул партнеры аша төшеп китмичә кала алган. Хатын-кыз һавада эленеп торган. Ул ярдәмчеләргә сигнал биргән һәм егылып төшкән ир-ат янына чакырган.
Ир-атның ике аягы да сынган, аны хастаханәгә салганнар.
Эквилибристка бәхет елмайган — ул егылган чакта канатка ябышырга өлгергән, бу исә егылуны тормозлаган. Юкса ул бик җитди травмалар алган булыр иде, диелә хәбәрдә.