Уфа халкы Элвин Грейның тракторда кар эттергән видеосына төрлечә мөнәсәбәт белдергән. Күпләр көлгән һәм шаярта башлаган, хәтта мыскыллаучылар да бар. Бу хакта «Башинфор» яза.
Кайберәүләр Элвин Грейны трактор бригадасы бригадиры итеп куярга тәкъдим иткән, аны, ниһаять, үз сәләтен тапкан, дип шаяртканар. Әмма калганнары, шундый әз генә карны чистартырга ни өчен трактор кирәк булуын аңламаган, алар фикеренчә, бу көртне көрәк белән генә дә көрәргә мөмкин булыр иде.
Күпләрне Элвинның тракторист таныклыгы булу-булмавы да борчыган. Алар, «права»сыз трактор йөртергә ярамый һәм гаеплеләргә закон буенча җәза бирергә кирәк, дигән. Кайберәүләр бу хәлне яшүсмерләрне «права»сыз машина йөрткән өчен җәзалау белән чагыштырган.
Шулай ук Элвин Грейның кулына телефон тотып трактор йөртүенә дә игътибар иткәннәр, бу да кагыйдә бозу булып тора. Җырлауга караганда, карны әйбәтрәк чистарта, дигән мәзәкләр дә килеп чыккан. Грей яшәгән йортны кар тулысынча каплап китсен, дигән зәһәр комментарийлар да калдырганнар аңа.