«Трактор» хоккей клубының яңа билгеләнгән баш тренеры – татар
Чиләбе хоккей клубы Әнвәр Гатиятулин белән өч еллык килешү төзеде.
Әнвәр Гатиятулин Чиләбе клубы өчен чит кеше түгел. Аның «Трактор»ның баш тренеры булачагы турында интернетта күптән сөйләнәләр иде инде. Ул команда белән 2015 елдан алып 2018 елга кадәр җитәкчелек итте. 2017/2018 сезонда команда КХЛның бронза медальләрен яулады.
Һәм, ниһаять, дүртенче май көнне бу имеш-мимешләр расланды. Яңа тренер турында клубның рәсми сайтында хәбәр урнаштырылды.
Гатиятулин үзенең яңа вазифасы турында: «Мин Чиләбегә, „Трактор“га кабат әйләнеп кайтуыма бик шатмын. Бүгенге көннән башлап эшкә керешәм. Ышаныч өчен рәхмәт», — дип уртаклашты.
Генеральный директор «Трактора» Иван Савин представил губернатору Челябинской области и президенту клуба Алексею Текслеру стратегию развития организации на пять лет и нового главного тренера.
— HCTraktor1947 (@HCTraktor1947) May 4, 2020
Подробнее: https://t.co/HvQFJV7loY pic.twitter.com/1FQhCAN3NW
Шулай ук, «Igor Zhukov Life» Телеграм каналының мәгълүматы буенча, тренерлар штабына Гатиятулин белән бергә бронза медальләр яулаган Равил Госманов та керәчәк.