Товар өчен селфи белән түләү мөмкин дигән сүз дөресме?

Россиядә товар сатып алганда түләү сервисын селфи ярдәмендә эшләтеп җибәргәннәр. Бу хакта ТАСС Vision Labs уйлап табучыларына сылтама белән җиткерә.

Товар өчен селфи ярдәмендә түләү тиешле һәм махсус камера булган җирдә генә мөмкин. Сатып алучыга касса янында камерага гына карарга кирәк булачак.

Яңалык SelfieToPay атамасын алган. Аны куллану өчен, App Store яки Google Playда SWiP кушымтасын булдырырга, аңа банк картасын беркетергә һәм үз йөзеңне фотога төшерергә кирәк.

• Әлеге система июнь аеннан Мәскәүдә һәм Санкт-Петербургта гамәлгә керәчәк. Ел ахырына кадәр ул Россия төбәкләренең башка шәһәрләрендә дә активлашачак.