Тостерда кыздырылган ипи чыннан да нык зыянлымы?

Галимнәр тикшерү уздырып, тостерда кыздырылган ипинең машиналардан чыккан газга караганда да агулырак булуын ачыклаган. Проект авторлары тәҗрибә уздырган вакытта кухняларда бик күп датчиклар урнаштырган, дип яза oane.ws сайты.  

Колорадо университетының фәнни хезмәткәрләре тостерда ипи кыздырган һәм һава сыйфатының ничек үзгәрүен билгеләп барган. Белгечләр өстәмә анализлар да ясаган. Кызган кабыкта бик күп күләмдә агулы матдәләр булуын ачыкланган. Мондый ризык машиналардан чыккан газга караганда да агулырак. Белгечләр мондый иртәнге ашның зыянлы булуы турында кисәтә. Җылыткан вакытта ипи валчыклары хәтта этанол да бүлеп чыгара. 

Кыздырылган ипи бер кубометрга 300 микрограмм, ә көйгәне 4 мең микрограммга кадәр матдә бүлеп чыгара. Бу матдәләрнең куркынычсыз концентрация күләмен 15 тапкырга арттыра. Галимнәр бу ризыкны химик коралга тиңләгән. Россия белгечләре кыздырылган барлык ризыклар да кеше сәламәтлегенә начар йогынты ясый дип белдерде.