Төркиядә яшәүче журналист Эльмира Исрафилова: «Казанда үземне өемдә кебек хис итмим икән»
Анкарада яшәүче журналист Эльмира Исрафилова-Тейран Казанга кайткан. Бу хакта ул социаль челтәрдәге сәхифәсендә хәбәр итә.
«Казаным… Мин монда үземне өемдә шикелле хис итмим икән инде. Кунак кына. Өем хәзер Төркиядә.
Миңа Казанның иске йортлары, ишегаллары, үзгәрешсез калган урамнары якынрак. Әйе, каланың елдан-ел матурайган, бизәлгән үзәген дә ошатам. Тик ул урыннар миңа нишләптер чит, таныш түгел сыман», – дип язган Төркиянең башкаласында яшәүче журналист.
Эльмира Исрафилова Төркиягә күченеп киткәнче үзе эшләгән телестудиягә барып, элеккеге хезмәттәшләре белән дә очрашкан.
