Төркиядә хәрабәләр астында 212 һәм 222 сәгать яткан хатын-кызларны коткарганнар
Төркиядә 6 февральдә җир тетрәгәннән соң хәрабәләр астында калган ике хатын-кызны коткарганнар. Бу турыда «Вести» каналы хәбәр итте.
Исән килеш табылган 45 һәм 77 яшьлек хатын-кызлар җимерекләр арасында 212 һәм 222 сәгать яткан.
Hurriyet басмасы белешмәсе буенча, Табигый бәла-каза нәтиҗәләрен бетерү буенча эзләү-коткару төркеме (İNDAK) Каһраманмараш шәһәрендә Хәйрулла районында йорт хәрабәләрен аралый. Алар бирегә исән калган кешеләр булу ихтималы турында хәбәр алгач килә.
Коткару эшләренең 212нче сәгатендә хәрабәләр арасыннан 77 яшьлек Фатыйма Гюнгёр, 222нче сәгатьтә 42 яшьлек Мәликә Имамоглу табыла.
Басма белешмәсе буенча, Мәликә Имамоглуны хастаханәгә китерәләр, ул үз аңында. Фатыйма Гюнер дә хастаханәдә.
Соңгы белешмә буенча, җир тетрәү вакытында 35418 кеше һәлак булган.