Төркиянең Аланья шәһәрендә автобус юл һәлакәтенә очрагач, Россия туристлары зыян күргән. Бу хакта Россиянең Антальядагы генераль консуллыгында хәбәр иттеләр, дип яза РИА Новости.
«Мәгълүматларга караганда, Аланья шәһәре тирәсендә 2 автобус бәрелешкән. Якынча мәгълүматлар буенча, аларның берсендә Россия туристлары булган. Зыян күрүчеләр дә бар. Россиянең Антальядагы генераль консуллыгы Төркия ягы белән бергә бу хәлнең сәбәпләрен ачыклый һәм зыян күргән Россия кешеләренә ярдәм итәргә әзер», – дип хәбәр итә дипломатлар.
Туристлар утырган автобус Аланьяда D400 трассасында маршрутка белән бәрелешкән, 15 кеше зыян күргән, 2се авыр хәлдә, дип хәбәр иткән иде IHA агентлыгы.