Төркия парламентында бюджет турында фикер алышканда депутатлар сугышкан. Фикер алышу 2 көн барган, закон чыгаручылар, нервыларына чыдый алмыйча, күмәкләп сугышкан, дип хәбәр итә РЕН ТВ.
Башта алар талашкан, аннары йодрыкларын эшкә җиккәннәр. Бер депутат җитди имгәнгән. Аны хастаханәгә алып киткәннәр. Парламент эшендә тәнәфес игълан иткәннәр.
Төркия парламентында сугыш очраклары яңа күренеш түгел. 2021 елның декабрендә идарә итүче партия депутатлары белән оппозиция вәкилләре сугышкан булган. Ул чакта да низаг бюджет кабул иткән чакта башланган.