Бүген Кукмара районының Төркәш авылы халкы батыр егетен соңгы юлга озаткан. Атучы рядовой Рәсүл Кәбиров махсус хәрби операция зонасында хәрби бурычларны үтәгәндә батырларча һәлак булган.
Батырның туганнары һәм якыннарының кайгысын уртаклашу өчен, хушлашу мәрасименә районның башкарма комитеты җитәкчесе Азат Гарифуллин, җитәкчеләр, иҗтимагый берләшмәләр вәкилләре, авыл халкы һәм бик күп битараф булмаган кешеләр җыелган. Бу хакта «Трудовая слава» яза.
Рәсүл 2024 елның март аенда һәлак булган, бүген туган ягында җирләнгән.
Кабиров Рәсүл Рифат улының урыны җәннәттә булсын! Якыннары, туганнары, дусларының кайгысын уртаклашабыз!
