Барлык язмалар news_header_top_970_100
news_header_bot_970_100

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

"Торба" (рецепт)

Хәзер кеше табигатькә ял итәргә чыкса да, берәр эш белән кузгалса да, кыр шартларында җиңел генә әзерләнә торган ризык пешерү ягын карый. Шашлык көндәлек ризыкка әйләнеп бара, аның белән беркемне дә шаккаттырып булмый. Кулланышка “торба” дигән ризык килеп керде. Мөслим районы Үрәзмәт авылында яшәүче Шакировлар аны чират буенча көтүгә чыкканда пешерәләр икән. Дәниф Шакиров “торба” әзерләү серләре белән уртаклаша, дип яза muslumirc.ru сайты.

news_top_970_100
"Торба" (рецепт)

 – Бу ризыкны, кыр шартларында гына түгел, ишегалдында да пешереп була. Аның өчен җиргә горизонталь урнаштырыу өчен махсус эшләнгән торба кирәк. Диаметры чама белән – 45 см, озынлыгы 70-80 см тирәсе. Бер башы герметик итеп капланган торбаның, икенче башына тыгыз ябылучы тоткалы капкач эшләнә, “аяк”ларны торбага беркетеп тә, аерым да эшләргә була. Торба эченә урнаштырырлык итеп, тутыкмый торган калайдан тоткалы шакмаклы савыт эшләнә. 

Ризыкның үзенә килгәндә, савыт төбенә зур булмаган кисәкләргә туралган ит (сарык, куян, тавык, сыер ите дә бара) салына. Ит өстенә помидор (күбрәк булса, тәмле), эре итеп туралган чистартылган бәрәңге, туралган кәбестә тезәсең. Өстенә тоз һәм борыч сибәргә, сарымсак, яшел тәмләткечләр салырга да, ингредиентларны тыгызлап, өстенә кәбестә яфраклары капларга һәм капкачын ябып куярга. Савытның капкачы ачылып китмәсен өчен алюмин чыбык белән бәйләргә дә була. Шуны торба эченә урнаштырасың. Савыт астына зур булмаган алмагач ботагы куеп калдырсаң, исе ризыкка сеңеп, тәмле булып пешә. Соңыннан, ялкыны торба астына тигез таралырлык итеп, учак ягасың. Бер сәгать дигәндә “торба” әзер дә була.


Комментарийлар (0)
Калган символлар:
news_right_column_1_240_400
news_right_column_2_240_400
news_bot_970_100