"Тор" һәм "Терминатор" фильмнарында уйнаган актер һәлак булган

Амеркада актер Айзек Кэппи 42 яшендә фаҗигале рәвештә һәлак булган. Аның мәетен Аризона штатындагы автомобиль күперендә тапканнар. Айзек Кэппи "Тор", "Терминатор: Да придет спаситель" фильмнарындагы, "Во все тяжкие" сериалындагы рольләре белән таныш. Бу турыда Daily Mail басмасына сылтама белән "Вести" каналы хәбәр итте.

Моңа кадәр ул Инстаграмдагы сәхифәсендә якыннарын кыерсытканын язган, "начар егет идем", дип әйткән.

Айзек Кэппи җәнҗаллы шәхес буларак та танылган. Ул төнге клубта Майкл Джексонның кызы Пэрис Джексонны буып үтерә язган булган.