2 гыйнварда Петербургта каретага җигелгән ат җайдагын бәреп төшергән һәм кешеләр өстенә таба киткән. Сарай мәйданында бер ир-ат атка менеп утырырга маташа, ләкин ат куркып китә һәм кешеләр өстенә менә. Биредә 3 кеше, шул исәптән 2 бала имгәнә. Бу турыда РЕН ТВ хәбәр итте.
Әлеге вакыйга сәбәпләрен полиция ачыклый, гаепле кешене алар билгеләячәк. Тагын бер мөһим деталь ачыкланган: атлар белән идарә итүче хатын-кыз исерек булуы ихтимал. Атлар исә кулга ияләштерелмәгән, аларга атланып йөрү дә каралмаган.
78.ru порталы белешмәсе буенча, ат качып китә. Каретага җигелгән атка билгесез ир-ат атланмакчы була, ат шуннан курка. Аннары ат җайдагын төшерә һәм халык өстенә таба ыргыла.
«Халык күп иде. Бер мизгелдә «Марьяна!» дип кычкырганны ишеттем. Борылып карасам, миннән 2 метр чамасы гына ераклыкта ике ат арткы аякларында гына басып тора», – дип сөйли бу хәлне күргән хатын-кыз.
Ул баласын алып кырыйга качарга өлгергән, башка кешеләр як-якка таралышкан, диелә хәбәрдә.