Төнге гадәттән тыш хәл: Чаллыда 90 яшьлек бабай курьерга 1,7 млн сум акча тапшырган
Төнлә белән Чаллыда яшәүче 90 яшьлек бабайның өй телефонына билгесез кеше шалтыраткан. Ул өлкән яшьтәге ир-атка «саклык акчаларын җинаятьчеләр исәбенә күчерергә тырышалар» дигән хәбәр җиткергән.
Бабай төнлә курьерга 1,7 млн сумнан артык акча тапшырган. Курьер шулай ук җинаятьчеләр схемасында катнашкан. Бу хакта «Челнинские известия» хәбәр итә.
Россия җинаять кодексының 159 нчы («Мошенниклык») маддәсенең 4 нче өлеше буенча җинаять эше кузгатылган. Эш Чаллы прокуратурасы контролендә, диелә ведомство хәбәрендә.
