Саратов өлкәсенең Петровский районында юл һәлакәтендә 3 машина бәрелешкән һәм берничә кеше үлгән, дип хәбәр ителә Саратов өлкәсе прокуратурасы телеграм-каналында.
Якынча белешмә буенча, 7 мартта «Нижний Новгород – Саратов» трассасында Тарумовка һәм Озерки авыллары арасында «Лада Гранта» автомобиле, «Toyota Alphard» һәм «Toyota Estima» минивэннары бәрелешә. Авариядә зыян күрүчеләр арасында чит ил гражданнары бар. Аларны медицина учреждениесенә илткәннәр.
Урынга Петровский районара прокуроры вазифаларын башкаручы Ильяс Якупов барган. Тикшерү эшләрен прокуратура контрольдә тота, диелә хәбәрдә.
РИА Новости Саратов өлкәсе буенча ЮХИДИга сылтама белән хәбәр иткәнчә, фаҗигада 3 кеше үлгән, 5 кеше имгәнгән. Үлүчеләр «Лада Гранта» машинасын йөртүче, салондагы ике пассажир – хатын-кыз һәм ир-ат, диелә бу хәбәрдә.
Фото: © https://t.me/sarprok