«Бәлеш камырына кетчуп салганны мин беренче ишетәм. Рецептны Дүртөйле шәһәрендә яшәүче мөслимә кардәшем Гөлфия апа язып җибәрде», – дип яза блогер Башкортстанның Илеш районы Ябалак авылында яшәүче Лилия Мортазина социаль челтәрдәге сәхифәсендә.
Камыр өчен: 120 грамм туң май (терлекнең эретелгән эчке мае), 1 йомырка, 0,5 стакан кефир яки әчегән сөт, 1 аш кашыгы томат пастасы, чама белән тоз, сода (аш серкәсе белән сүндерергә).
«Ингредиентларны бергә салып камыр басам. Шуннан тәмлесе юк», – дип белдергән рецепт авторы.
Эчлеккә берничә төрле ит, бәрәңге, суган салына.