Тольяттида турнир вакытында комага киткән боксчы егет үлгән
Арест Саакян ике атна комада яткан.
Тольяттида турнир вакытында боксчы Арест Саакянны нокаутка җибәрәләр, ул комага китә һәм ике атнадан соң үлә. Бу турыда «Вести» каналы хәбәр итте.
Ярышны оештыручылар сүзләренчә, Саакян әлеге турнирдагы травма сәбәпле үлмәскә дә мөмкин. Оешма вәкилләре сүзләренчә, егет иске травмасы аркасында вафат була. «Якынча белешмә буенча, турнирда көрәшнең фаҗига белән тәмамлануы спортчының элеккеге травмасы аркасында булган», диелә аларның гаризасында.
Оештыручылар да, Россия бокс федерациясенең Самара өлкәсе спортчылары да мәрхүмнең гаиләсенә ярдәм итә.
Саакян 2021 елның 26 декабрендә турнирда чыгыш ясый. Бер мизгелдә ул башына суктыра. Шуннан соң спортчыны хастаханәгә озаталар. Табиблар аның өченче дәрәҗә комада булуын ачыклый. Егет комадан чыга алмыйча, 7 гыйнварда вафат була, диелә бу хәбәрдә.