Токмачлы тавык шулпасы

Кирәкле ингредиентлар: тавык шулпасы – 260 мл, пешкән ит – 50 г, токмач – 15 г, башлы суган – 7 г, яшел тәмләткечләр.

Эш барышы: сөзелгән шулпага вак итеп туралган суган, 15–20 минуттан соң кискән токмач (кара: 42 б.) салабыз. Токмач өскә күтәрелеп, 2–3 минут кайнаганнан соң, кәстрүлне уттан алабыз (яңа гына киселгән токмачны кабарып чыгу белән үк сүндерәбез).

Пешкән итне, җепселләренә аркылы турап, тәлинкәгә (1 порциягә 1–2 кисәк) куябыз һәм өстенә кайнар аш салабыз.

Табынга чыгарыр алдыннан, яшел тәмләткечләр сибәбез. 

Рецепт «Татар халык ашлары» китабыннан алынды. Китапны tatkniga.ru сайтында сатып алырга мөмкин.