Татарстанның Тынычлык бистәсендә яшәүче Нәзирә Канафина токмач камырын киптерүнең үзенчәлекле ысулын уйлап тапкан. Моның өчен ул үтүк куллана, дип яза «Татмедиа. Живые истории» телеграм-каналы.
Хәзерге вакытта Нәзирә ханым махсус операция хәрбиләре өчен токмач әзерли. Камырны тиз генә киптерү аңа бик мөһим. Моның өчен ул токмач камырын үтүкли. Болай эшләгәндә, камыр тиз кибә.
«Эшләгәндә тиз-тиз кирәк иде. Нәрсәдер уйлап чыгарырга кирәк булды, һәм мин шушы ысулны уйлап таптым. Мин 10 ел моның белән шөгыльләнәм инде», – дип сөйли ул.
