ТНВда тапшырулар редакторы Әлфирә Мәһдиева 56 яшендә вафат булган, дип хәбәр итә Гөлназ Гыйниятова. "Янып, яндырып яшәдең. Йолдыз кебек атылып китеп барасың", дип язган ул.
Ул «Башваткыч», «Әдәби хәзинә» һәм башка күп кенә тапшырулар мөхәррире. Ул 35 елдан артык гомерен телевидениегә багышлады, дип хәбәр итә ТНВ сайты.
Ул тумышы белән Әтнә кызы иде. ТНВ 2019 елда аның кызы Гүзәлиянең кияүгә чыгуы турында хәбәр иткән иде.
Гаиләсе һәм якыннары кайгысын уртаклашабыз.
